ڈھاب پڑی کے بارے میں

محترم گروپ ممبران! آپ سب کو کمیٹی کی جانب سے السلام علیکم۔ بعض ذاتی مصروفیات اور حالاتِ حاضرہ کے پیشِ نظر کمیٹی کچھ عرصہ سے آپ سے بات کرنے سے قاصر رہی، کیونکہ وجہ ہمیشہ سے فنڈنگ کے سلسلے میں ہی ہوتی ہے۔ اور چونکہ آپ لوگ ایک عرصے سے اس خطے کی بگڑتی صورتِ حال میں مبتلا رہے، اس لیے آپ سے فنڈنگ کے سلسلے میں بات کرنا مناسب بھی نہیں تھا، کیونکہ اس سے نہ صرف خلیجی ممالک میں مقیم بھائی متاثر ہوتے بلکہ یہاں مقامی لوگ بھی اس سے شدید متاثر ہوتے۔ اللہ پاک سب کو اپنی حفظ و امان میں رکھے اور آپ کے روزگار کا سلسلہ چلتا رہے۔ بہت عرصے سے آپ جیسے بیرونِ ملک مقیم بھائیوں کی تجویز تھی کہ گاؤں کی گلیوں میں سولر لائٹس لگائی جائیں۔ پچھلے چند ہفتوں سے ہم نے یہاں مقامی طور پر تحقیق کی اور کافی ساری معلومات اکٹھی کیں۔ ہم نے اس سلسلے میں دبئی سے بھی لائٹس منگوانے کا ارادہ کیا، لیکن وہاں سے زیادہ مقدار میں لائٹس منگوانا بھی ایک مسئلہ تھا۔ لہٰذا کمیٹی نے فیصلہ کیا کہ سولر لائٹس مقامی طور پر ہی خریدی جائیں۔ اس سلسلے میں ہماری کمیٹی کے ممبران نے راولپنڈی اور اسلام آباد سے بھی معلومات حاصل کیں، لیکن وہاں بھی کوئی خاطر خواہ ماڈل نہیں ملا۔ جو ملا وہ کافی مہنگا تھا اور اس کی کوئی وارنٹی بھی نہیں تھی۔ پھر چکوال شہر کی مارکیٹ سے بھی معلومات لی گئیں تو ہمیں وہاں سے ایک اچھا ماڈل پسند آیا، جس کی دو سال کی وارنٹی بھی ملی۔ ہم نے اسے باقاعدہ نصب کر کے ایک ہفتے کی ٹیسٹنگ بھی کر لی، جس کا نتیجہ بھی اچھا آیا۔ لائٹس رات کو تقریباً 7 بجے خودکار طور پر روشن ہو جاتی ہیں اور صبح تقریباً 5 بجے تک روشن رہتی ہیں۔ یہ لائٹس جوڑی کی شکل میں ایک پول پر نصب کی جاتی ہیں، اور ان کی سولر پلیٹس بھی اسی پول کے اوپر کی جانب لگائی جاتی ہیں۔ لائٹس کے ساتھ ساتھ ان پولز کا بھی خرچہ ہے، جو تقریباً 2000 روپے فی پول بنتا ہے۔ ہم نے پورے گاؤں کی مرکزی گلیوں کا سروے بھی کر لیا ہے۔ تقریباً 40 لائٹس گاؤں کی مختلف گلیوں میں 20 پولز پر لگائی جائیں گی۔ لائٹ کو اس طریقے سے نصب کیا جائے گا کہ اس کی روشنی کم از کم بھی 400 فٹ تک جائے، جبکہ عام سولر لائٹ جس کی روشنی اوپر سے نیچے کی جانب ہوتی ہے، وہ لائٹس اگر سو بھی لگا دی جائیں تو کم پڑ جائیں گی، اور ان کی قیمت بھی ہماری خریدی گئی لائٹ جتنی ہی ہوتی۔ ہمارا ارادہ کم خرچے میں زیادہ سے زیادہ کوریج دینے کا تھا، جس کا نتیجہ ہمیں مطلوبہ صورت میں مل گیا۔ یہ سولر لائٹ 10,000 روپے کی ایک ہے، اور ہماری ضرورت 40 لائٹس کی ہے۔ یہ صرف گاؤں کی گلیوں کے اندر ہی لگائی جائیں گی، مرکزی سڑک پر نہیں — اس کے لیے بعد میں آپ سے پوچھ کر الگ منصوبہ بنایا جائے گا۔ لہٰذا ابھی ہمیں اس سلسلے میں آپ کا مشورہ اور مالی تعاون، دونوں درکار ہیں۔ 40 لائٹس، 20 پولز اور ان کی تنصیب کی مزدوری کا خرچہ اندازاً 475,000 روپے تک ہوگا۔ لہٰذا کمیٹی آپ تمام بھائیوں سے اس پراجیکٹ میں تعاون کرنے کی درخواست کرتی ہے۔ اور ہمیں امید ہے کہ اللہ تعالیٰ کے فضل و کرم سے، جیسے ہم نے مل کر کافی سارے پراجیکٹ مکمل کیے ہیں، یہ بھی مکمل کر لیں گے۔ آپ سب کو بینک اکاؤنٹ کی تفصیل اس پیغام کے آخر میں موجود ہے، اور آپ کو ہدایت دی جاتی ہے کہ پیمنٹ صرف اسی بینک اکاؤنٹ میں بھیجیں، کوئی ایزی پیسہ یا جاز کیش اکاؤنٹ استعمال نہ کریں۔ والسلام از جانبِ: واٹر اینڈ ویلفیئر کمیٹی، ڈھاب پڑی BankUnited Bank Ltd (UBL) Account TitleSohail Abid and Afsar Alam BranchThaneel Chowk, Chakwal Branch Code1584 IBAN: PK43UNIL0109000395378708

The committee has approved the new water tank project for the eastern sector. Work begins next month — thank you to everyone who attended the meeting and shared their feedback.